Gipasidunggan ang kapin 200 ka senior citizens gikan sa 10 ka barangay sa Tarragona, Davao Oriental, atol sa 2026 Elderly Filipino Week niadtong Oktubre 20. Naghatag ang lokal nga panggamhanan og libreng haircut, medical consultation, tambal, food supplements ug family food packs.
Mitambong si Councilor Ramain Matayab, chairperson sa Committee on Social Services, uban sa mga representante sa OSCA, MSWDO ug Senior Citizens Federation. Gihisgutan usab ang dugang suporta alang sa mga proyekto sa mga asosasyon sa senior citizens sa mga barangay.
Matod ni Mayor Kaka Bulaong, importante ang papel sa mga katigulangan sa paglambo sa Tarragona, busa padayon nga gihatagan og pagtagad ang ilang panglawas ug kaayohan pinaagi sa mga serbisyo ug programa sa lokal nga panggamhanan.
Photo courtesy: LGU Tarragona
