Nadakpan sa kapulisan ang usa ka 49-anyos nga lalaki tungod sa upat ka kaso sa paglapas sa Republic Act 9262 o Anti-Violence Against Women and Their Children Act of 2004 sa Barangay Kabatan, Vincenzo Sagun, Zamboanga del Sur, adlaw’ng Martes, Oktubre 20.
Ang suspetsado nga residente sa maong lungsod, gidakop sa mga personahe sa Vincenzo Sagun Municipal Police Station pinaagi sa warrant of arrest nga gipagawas sa Regional Trial Court Branch 29 sa San Miguel, Zamboanga del Sur.
Sa upat ka kaso nga giatubang sa akusado, tulo niini may kalabotan sa psychological violence, nga adunay girekomendar nga piyansa nga P216, 000, samtang usa ka kaso sa physical violence, nga adunay girekomendar nga piyansa nga P5,000. Sa pagkakaron, anaa na sa kustodiya sa Vincenzo Sagun Municipal Police Station ang dinakpan alang sa hustong disposisyon.
Photo courtesy: PIO ZSPPO
