Gipatin-aw sa Kapuso actress nga si Ashley Ortega nga dili tinuod ang mga sulti sa netizens nga nanghilabot matud pa sa ilang relasyon sa iyang uyab nga si Mavy Legaspi ang mga ginikanan niini nga sila Carmina Villarroel ug Zoren Legaspi.
Atol sa iyang pagpakita sa GTV talk show nga Kalurks!, miingon si Ashley nga dugay na ang maong isyu, bisan wala pa sila ni Mavy. Gidugang usab niya nga una pa silang nagkaila ni Carmina isip mga kauban sa teleseryeng Widows’ Web ug maayo na ang pagtratar niini kaniya.
Matod pa ni Ashley, mainiton siyang gidawat sa pamilya ni Mavy, ug wala gyud niya mabati nga nanghilabot ang mga ginikanan niini sa ilang relasyon. Hinuon, iyang giingong suportado sila sa iyang mga gihimo, ug suod na usab siya karon kang Cassy Legaspi nga iyang giisip nga sama sa igsoon.
Photo courtesy: Newspapers
