Pipila ka mga pasahero ang nasamdan human nadisgrasya ang usa ka bus sa Vallacar Transit sa Barangay Liki, lungsod sa Sogod, amihanang Sugbo.
Gikan sa lungsod sa Daanbantayan ug paingon unta sa Dakbayan sa Sugbo ang maong bus nga may sakay nga 24 ka pasahero, sumala sa bus inspector.
Nasangit ug mibangga ang bus sa mga bato sa daplin sa bukid, hinungdan nga nadaot ang atubangan ug kilid nga bahin sa sakyanan.
Gidala sa ospital sa Barangay Damolog sa maong lungsod ang pipila ka pasaherong nakaangkon og minor injuries aron matambalan. Samtang, gidala usab sa Sogod Police Station ang drayber sa bus alang sa imbestigasyon sa nahitabong aksidente.
