Posibleng mosaka ang presyo sa kape sa Pilipinas sugod sa buwan sa Disyembre ug magpadayon hangtod sa unang kwarter sa 2027 tungod sa kakulang sa suplay sa kalibotan, pagkalangan sa shipment ug ubos nga ani, sumala sa Philippine Coffee Board Inc. (PCBI).
Matod ni PCBI director Ceasario Rex Kapunan, mas maapektuhan ang gagmayng coffee shop tungod sa pagsaka sa presyo sa mga liso sa kape. Ang Brazilian Arabica nagkantidad na og ₱650 hangtod ₱750 matag kilo, samtang ang Benguet coffee beans anaa sa ₱750 hangtod ₱900.
Gilauman usab nga moubos sa 30,000 metriko tonelada ang produksyon sa kape sa Pilipinas sa 2026 tungod sa pagsaka sa gasto ug epekto sa El Niño. Sa pagkakaron, nag-andam ang Department of Agriculture og mga lakang aron matabangan ang mga mag-uuma, lakip ang mas maayong pagdumala sa tubig ug pagpauswag sa produksyon sa lokal nga kape.
Photo Courtesy: Coffee Spot
