Gipadayag ni Heart Evangelista ang koneksiyon nga maoy nagpalig-on sa ilang panaghigalaay ni Kapuso star Alden Richards, nga dugay na niyang suod nga higala.
Bag-ohay lang, mitambong si Alden sa charity closet sale ni Heart isip pagpakita sa iyang suporta sa aktres ug fashion icon. Matod ni Heart, nagsugod ang ilang pagkasuod tungod sa ilang parehas nga gugma sa mga hayop ug pagpanalipod sa ilang kaayohan.
Samtang, sumala ni Alden, importante sa ilang panaghigalaay ang parehas nilang kusog sa personalidad ug koneksiyon sa usag usa. Alang kaniya, ang maayong panag-uyon ug mga butang nga parehas nilang gibarogan maoy hinungdan nga molig-on ang ilang pagkaamigo.
