Nadakpan ang usa ka gidudahang drug personality sa buy-bust operation sa mga sakop sa Cebu City Drug Enforcement Unit (CDEU) sa Barangay Calamba, Dakbayan sa Sugbo. Narekober sa operasyon ang gituohang shabu nga nagkantidad og P77,044.
Nasakmit sa mga operatiba ang 11.33 gramos nga gituohang ilegal nga droga ubos sa pagpangulo ni PCOL Ricky C. Sumalde, acting city director sa Cebu City Police Office (CCPO). Giingong nalambigit ang suspek sa paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002.
Gisumiter na ang mga nasakmit nga ebidensiya sa Regional Forensic Unit 7/Cebu City Forensic Unit alang sa chemical analysis. Temporaryong gitanggong ang suspek sa Police Station 7 samtang giandam ang tukmang mga kasong kriminal batok kaniya.
Photo courtesy: PNP Cebu City Police Office
