Giwagtang una sa kagamhanan sa probinsya sa Sugbo ang koleksyon sa terminal fee sa Cebu North Bus Terminal ug Cebu South Bus Terminal sugod niadtong Oktubre 20, 2026.
Kini human mimando si Cebu Governor Pamela Baricuatro og temporaryong suspensiyon sa maong mga bayranan isip pangandam sa nagsingabot nga Kalag-Kalag 2026 ug aron mogaan ang palas-anon sa mga drayber, operator, ug mga pasahero.
Economic Enterprise Council (EEC) Resolution No. 2026-012 human sa gihimong special session. Imbes nga kunhoran lang ang bayranan sama sa unang giplano, hingpit nga gipahunong ni Gov. Pam ang koleksyon aron mas dako ang matabang sa sektor sa transportasyon taliwala sa nagasaka nga presyo sa gasolina ug uban pang galastohan sa operasyon.
Gawas sa pagtabang sa mga drayber ug operator, tinguha sab niini nga mapagaan ang gasto sa pamahe ug masiguro ang hapsay ug paspas nga pagpauli sa mga Sugbuanon ngadto sa ilang tagsatagsa ka mga lungsod para sa Kalag-Kalag.
Tungod sa maong suspensiyon, temporaryong libre o ₱0 ang terminal fee nga kaniadto gisingil sa mosunod nga mga sakyanan. Magpabilin nga epektibo ang maong suspensiyon hangtod nga duna nay mogawas nga bag-ong resolusyon gikan sa EEC nga mobawi niini.
Photo courtesy: Schedules Philippines
