Gikasal na ang singer-songwriter nga si Ejae ug ang iyang dugay nga partner nga si Sam Kim, usa ka music producer ug composer, niadtong Sabado, Oktubre 17, 2026, sa Seoul, South Korea. Gipaambit ni Ejae ang mga litrato sa ilang kasal pinaagi sa Instagram niadtong Martes, Oktubre 20, uban sa mensaheng, “Serendipitous day with the love of my life,”.
Sumala sa mga taho, gisugdan ang selebrasyon pinaagi sa tradisyonal nga Koreanong ritwal nga gitawag og paebaek, diin ang bag-ong kasal nga magtiayon moyukbo atubangan sa ilang mga katigulangan aron magpakita og pagtahod ug modawat sa ilang panalangin.
Sumala pa nga nagkaila si Ejae ug Sam niadtong 2017 atol sa usa ka songwriting session ug sa ulahi nahimong nagkauyab. Si Ejae, kansang tinuod nga ngalan mao si Kim Eun Jae, kanhi trainee sa SM Entertainment sa South Korea. Sa ulahi, nahimong songwriter ug producer siya sa mga kanta sa daghang K-pop artists, lakip ang TWICE, aespa ug Red Velvet.
Misikat pa sa tibuok kalibotan si Ejae niadtong 2025 human siya nahimong tingog sa karakter nga si Rumi, lider sa HUNTR/X, sa KPop Demon Hunters. Siya usab ang usa sa mga nagsulat ug mipasundayag sa kantang “Golden,” nga nahimong dakong hit sa tibuok kalibotan ug nakadaog sa Grammy Award alang sa Best Song Written for Visual Media niadtong Pebrero 2026.
Photo courtesy: Ritz Stories
