Nagpagawas og pahimangno ang lokal nga panggamhanan sa Digos City ngadto sa publiko nga mag-amping batok sa posibleng dala sa haze nga mahimong makaapekto sa kalidad sa hangin ug kahimsog sa katawhan.
Matud sa LGU, ang haze mahimong hinungdan sa kalisod sa pagginhawa, pag-ubo, pangatol sa mata ug paglala sa hika ug alerdyi.Giawhag ang mga residente nga likayan ang dili importanteng kalihokan sa gawas ug mogamit og N95 mask kon gikinahanglan.
Gipasidan-an usab ang mga motorista nga mag-amping tungod sa posibleng pagkunhod sa visibility. Gipahinumdoman ang publiko nga kanunay mosubay sa opisyal nga mga pahibalo alang sa ilang kaluwasan.
