Nadakpan na kapulisan ang usa ka lalaki nga nalambigit sa robbery sa milabayng adlaw atol sa gikasang hot pursuit operation sa may Barangay Katipunan, Villanueva, Misamis Oriental, niatong alas 9:6 sa gabii, Oktubre 27, 2026.
Sigon sa Villanueva PNP, ang maong lalaki nalambigit sa pagpanulis diin gamit niini ang toy gun. Human sa iyang pagpanulis, gilabay dayon niini ang toy gun kauban ang iyang dyaket, bonnet ug sling bag sa Bugo River sa Cagayan de Oro City.
Nasayran usab sa imbestigasyon, ang giingong nakuha nga kwarta sa suspetsado ang nagasto na matud pa sa iyang pagpalit ug in-game items sa dula nga Call of Duty Online. Sa pagkakaron, anaa sa kustodiya sa Villanueva Municipal Police Station alang sa tukmang disposasyon.
Photo courtesy: Villanueva MPS
