Gibantayan sa Land Transportation Franchising and Regulatory Board Region 10 o LTFRB-10 ang kaandam sa mga sakyanan nga nagbiyahe sa rehiyon aron masiguro ang kaluwasan sa mga pasahero, ilabina sa pagsaka sa gidaghanon sa mga biyahero panahon sa Undas.
Gimonitor usab sa ahensiya ang mga pasilidad sa matag terminal aron masiguro ang kahapsay ug kaharuhay sa mga pasahero. Matud ni LTFRB-10 Regional Director Aljo Bendijo nga lakip sa ilang gibantayan ang mga kolorom o ilegal nga mga sakyanan nga gapamasahero aron malikayan ang risgo sa mga commuter.
Gihangyo usab ni Bendijo ang publiko nga makigtambayayong sa ilang buhatan pinaagi sa pagreport sa mga ilegal nga pagpamasahero sa kadalanan.
Photo courtesy: LTFRB Region X – Cagayan de Oro City
