Misurrender ang 7 ka kanhi miyembro sa Communist Terrorist Group o CTG ngadto sa 39th Infantry Battalion sa Magsaysay, Davao del Sur, niadtong Oktubre 28, 2026. Ang mga misurrender kanhi sakop sa nabungkag nga Guerrilla Front ALIP ug Guerrilla Front 51.
Duha kanila nga giila sa alyas nga “Jay” ug “Ar-Ar” ang nagtugyan og Garand rifle ug Carbine rifle. Gipresentar ni Lt. Col. Hector Estolas ang 7 ngadto kang Mayor Arthur Davin, diin gi-welcome sila sa lokal nga panggamhanan.
Ang mga kanhi rebelde apil na sa Batch 6 sa Tupad Pangako Program, nga nagtumong sa paghatag og panginabuhian ug pagtabang sa ilang pagbalik sa malinawong kinabuhi.
