Nadakpan ang duha ka lalaki atol sa buy-bust operation sa Sitio Idong, Barangay Astorga, Sta. Cruz, Davao del Sur, pasado alas 10:48 sa gabii, Oktubre 25,2026. Giila ang mga suspek nga sila si alyas “Lolo,” 19 anyos, ug alyas “Patrick,” 24 anyos, parehong residente sa maong barangay.
Nasakmit sa hiniusang operasyon sa Sta. Cruz Police ug ubang law enforcement units ang 3.5 gramos nga gituohang shabu nga nagkantidad og 23,800 pesos, ug 50 gramos nga pinaugang marijuana nga nagkantidad og 600 pesos. Nakuha usab ang usa ka libo ka pesos nga buy-bust money ug ubang ebidensya.
Ang duha ka suspek anaa na sa kustodiya sa kapulisan ug posibleng mag-atubang og kasong paglapas sa Republic Act 9165 o Comprehensive Dangerous Drugs Act of 2002.
