Andam na ang BFP Dipolog City Fire Station sa pagpatuman sa mga lakang sa kaluwasan alang sa umaabot nga Kalag-Kalag, lakip ang pag-deploy sa mga personahe sa mga terminal ug sementeryo.
Sa pakighinabi sa Juander Radyo Dipolog Newsteam, nga gipangulohan ni Station Manager Ms. Mardy Libres, gipadayag ni FO1 Haarel H. Gumalas, representante ni FSINSP Aprilyn B. Barbaso, nga andam na ang ilang mga personel alang sa Adlaw sa mga Minatay.
Sumala pa ni FO1 Gumalas, ang pag-deploy sa mga personahe nagtumong sa paghatag og dali nga tubag sa posibleng mga insidente ug emerhensiya.
Giawhag usab ang publiko nga magmatngon ug mosunod sa mga pahimangno sa kaluwasan aron malikayan ang sunog ug uban pang aksidente atol sa Kalag-Kalag.
