Giluwas sa mga personahe sa Talomo Police Station ang usa ka menor de edad nga nalambigit sa hulga nga mikaylap online ug gitumong sa usa ka estudyante sa high school sa Barangay Catalunan Grande, Davao City.
Dali nga milihok ang kapulisan human makadawat og impormasyon bahin sa maong hulga aron maseguro ang kaluwasan sa mga estudyante ug magtutudlo. Gitugyan ang menor de edad ngadto sa mga social welfare officer alang sa hustong pagtambag ug ebalwasyon, sa koordinasyon sa iyang mga ginikanan ug sa administrasyon sa eskwelahan.
Gipahimangnoan ni PMAJ Sheryl Y. Bautista, acting station commander sa Talomo Police Station, ang publiko nga likayan ang paghimo ug pagpakaylap og mga hulga sa internet tungod kay mahimo kini nga hinungdan sa kalisang ug adunay katugbang nga legal nga sangputanan.
Photo courtesy: DCPO
