Nagpahigayon ug outreach program ang Lupon District Jail isip kabahin sa pagsaulog sa National Correctional Consciousness Week (NACOCOW) 2026, uban sa pakigtambayayong sa Full Gospel Business Men’s Fellowship International kun FGBMFI Matina Chapter niadtong Oktubre 27, 2026.
Ubos sa pagpanguna ni SJO3 Roldan B. Hinojales, Assistant District Jail Warden, gitumong ang maong kalihokan sa paghatag og suporta ug makahuloganong pakig-uban sa mga Persons Deprived of Liberty kun PDL sulod sa pasilidad.
Pinaagi sa programa gipasiugda ang kamahinungdanon sa kalooy, suporta sa komunidad, ug padayon nga pagpalambo sa mga serbisyo alang sa rehabilitasyon ug kaayohan sa mga PDL.
Pinaagi sa pakigtambayayong sa mga organisasyon sa komunidad, gipadayon sa Lupon District Jail ang paningkamot nga mahatagan og higayon ang mga PDL nga mouswag ug maandam sa ilang pagbalik sa katilingban.
