Gipalabang na sa unang pagbasa sa Sangguniang Panlungsod (SP) sa Malaybalay ang gisugyot nga “The Barangay Length of Service Award Ordinance” nga nagtinguha sa paghatag og pinansyal nga ganti o gratuity benefit alang sa mga napiling opisyal sa barangay nga nakatapos sa tulo (3) ka sunod-sunod nga termino.
Ang maong balaodnon gipresentar ni City Councilor Atty. Rendon Sangalang atol sa regular nga sesyon niadtong Martes, Oktubre 27, 2026, subay sa probisyon sa Local Government Code of 1991 aron mahatagan og pormal nga pasidungog ang serbisyo ug dedikasyon sa mga opisyal sa komunidad.
Ubos sa maong sugyot, maggahin ang dakbayan og ₱2 milyon nga pondo alang sa pinansyal nga incentive sa mga kwalipikadong opisyal gikan sa tuig 1998 hangtod 2026. Makadawat og ₱20,000 nga cash reward ang mga 3-termers nga Barangay Kapitan, samtang ₱10,000 naman alang sa matag kwalipikadong Barangay Kagawad.
Alayon niini, gikatakdang tun-an pa ang mga detalye sa pondo ug patakaran sa sunod nga sesyon sa konseho.
Photo courtesy: Atty. Rendon Sangalang
