Gipatin-aw sa Malacañang nga dili pulitika ang hinungdan sa pag-ilis sa posisyon nila ni Department of Transportation (DOTr) Secretary Vince Dizon ug Department of Public Works and Highways (DPWH) Secretary Giovanni Lopez.
Sumala kang Presidential Communications Office Acting Secretary Lino Cayetano, gibase ang maong desisyon sa panginahanglan sa matag ahensya ug sa mga repormang gustong ipatuman ni Presidente Ferdinand Marcos Jr., dili sa mga pagsaway batok sa mga opisyal.
Mitumaw ang maong isyu human gisaway ni Senador Panfilo Lacson si Dizon kalabot sa mga alegasyon sa iregularidad sa flood control projects sa Taguig City.
Gipasabot ni Cayetano nga mas gipunting sa Presidente ang pagpangita og dugayng solusyon aron mapaayo ang sistema ug mapadali ang paghatod sa serbisyo publiko.
Sa bag-ong paghan-ay sa Gabinete, mibalik si Dizon isip kalihim sa DOTr, samtang si Lopez ang mangulo sa DPWH.
Photo courtesy: PCO
