Nagtukod ug grupo ang National Irrigation Administration (NIA) Region 9 nga motutok sa pagmentinar sa mga pasilidad sa irigasyon aron masiguro ang padayon ug hapsay nga paghatod sa tubig ngadto sa mga mag-uuma.
Matud ni NIA-9 Regional Manager Engr. June Nathaniel S. Plaza, tuyo niini aron adunay magsusi sa mga bag-ong naturn-over nga mga projects nga mapabilin ang maayong serbisyo sa patubig alang sa mga mag-uuma.
Segun ni RM Plaza, importante ang regular nga pagmentinar sa mga pasilidad sa irigasyon aron malikayan ang mga kadaot ug masiguro nga makaabot ang tubig sa mga umahan ilabina kon moepekto ang El Niño.
Pinaagi sa maong lakang, tumong sa NIA-9 nga mapadayon ang maayong serbisyo sa patubig ug masuportahan ang produktibidad sa sektor sa agrikultura.
