Gipadayag ni Antonio Rafols, Political Affairs Officer alang sa Visayas ug Mindanao, nga gitumong sa job fair ang paghatag og dugang oportunidad sa mga nangitag trabaho pinaagi sa pagtapok sa mga kompanyang adunay bakanteng posisyon ug nagkalainlaing kahigayonan sa panarbaho sa usa ka lugar.
Pinaagi sa maong inisyatiba, gilauman nga mas mapadali ang pagpangita og trabaho sa mga aplikante ug makatabang sa pagpakunhod sa kawalay trabaho.
Gipahigayon ang kalihokan sa pakigtambayayong sa Department of Labor and Employment (DOLE) Caraga, Public Employment and Skills Development Office (PESDO) sa lokal nga pangagamhanan sa Surigao City, ug Department of Migrant Workers (DMW).
Dugang sa paghatag og kahigayonan sa mga aplikante nga direktang makapasa sa ilang aplikasyon ngadto sa mga kompanya, gitumong usab sa job fair ang pagpalapad sa ilang mga kapilian sa panarbaho, lakip na ang mga bakanteng posisyon sa lokal ug internasyonal nga mga kompanya.
Sa pinakabag-ong datos sa maong kalihokan, 48 ka aplikante ang Hired on the spots gikan sa mga oportunidad nga gitanyag sa 19 ka employer, samtang mikabat sa 4,000 ang kinatibuk-ang bakanteng posisyon nga gipangita og mga kwalipikadong aplikante.
