Nasikop ang Tulo ka lalaki sa mga tinugyanan sa Philippine Drug Enforcement Agency–Negros Island Region (PDEA-NIR) atol sa operasyon sa usa ka giingong drug den sa Nonol Limbaga Drive, Barangay 7, Tanjay City, alas 6:38 sa gabii niadtong nakalabay nga adlaw.
Nasakmit sa operasyon ang lima ka sachet sa gidudahang shabu nga gibana-bana nga motimbang og walo ka gramo ug nagkantidad og ₱54,400, lakip ang buy-bust money ug mga gamit nga giingong may kalabotan sa ilegal nga droga.
Ang mga nadakpan giila sa alyas nga Kyle, usa ka bokalista sa banda; Chris, usa ka 27-anyos nga seafarer; ug John, 26 anyos. Ang tulo gidala sa kapulisan sa Tanjay City ug gipabilin sa kustodiya.
Gipasakaan sila og mga kaso kalabot sa Sections 5, 6, 7, 11 ug 12 sa Article II sa Republic Act 9165 o Comprehensive Dangerous Drugs Act of 2002.
Photo courtesy: NegOr Balita
