Gipalawig sa Bureau of Internal Revenue (BIR) hangtod Oktubre 29 ang deadline sa pag-file sa tax returns ug pagbayad sa katugbang nga buhis nga orihinal nga gitakdang matapos niadtong Oktubre 26.
Lakip niini ang BIR Form 2550Q o Quarterly Value-Added Tax Return, ug BIR Form 2551Q o Quarterly Percentage Tax Return, lakip ang pagsumite sa mga gikinahanglang dokumento.
Sumala sa BIR, gihatagan ug extension ubos sa Revenue Memorandum Circular No. 115-2026 nga gipirmahan ni Commissioner Charlito Martin R. Mendoza. Kini gumikan nga dili magamit ang Electronic Filing and Payment System (eFPS).
Gipasabot usab sa ahensya nga walay ipahamtang nga silot sa mga magbubuhis nga makakompleto sa ilang pag-file ug pagbayad sulod sa gipalawig nga deadline.
Photo courtesy: BIR
