Nagplano ang Department of Agriculture (DA) nga isuspendi ang pagpagawas og sanitary ug phytosanitary import clearances gikan sa tunga-tunga sa Nobyembre hangtud Enero. Nagrekomenda usab si Agriculture Secretary Francisco Tiu Laurel Jr. nga ibalik sa treynta hangtud kwarenta porsyento ang buhis sa pambansang pagpapasulod og karne gikan sa gawas sa nasud aron matabangan ang mga lokal nga mag-uuma sa baboy batok sa baratong imported nga karne.
Kini nga lakang gitumong aron masilsil ang lokal nga presyo sa farmgate nga nag-usos tungod sa kompetisyon sa mga gipapasulod nga karne. Kahinumduman nga gipanaogan kaniadto ang buhis sa mga milabayng administrasyon tungod sa kakulangan sa suplay dala sa African Swine Fever, apan gipasalig sa DA nga maghatag gihapon sila og exemption alang sa mga meat processor kon gikinahanglan.
Gidawat sa mga grupo sa agrikultura sama sa Samahang Industriya ng Agrikultura ang maong inisyatibo sa DA. Sa laing bahin, nagpahigayon usab og protesta ang Pork Producers Federation of the Philippines ug AGAP Party-list sa gawas sa DA headquarters aron awagon ang temporaryong paghunong sa pagbaligya og buhing baboy isip pagpakita sa ilang sigwa ug panawagan sa suporta sa gobyerno.
Photo courtesy: JBT Marel
