Nakigtambayayong ang Foreign Ministry sa Sri Lanka sa pagtambal ug pagpauli sa 40 ka Iranianong marinero nga nakasinati og wala matino nga mga emerhensiyang medikal sa internasyonal nga katubigan duol sa habagatan-sidlakang baybayon sa nasud.
Matod ni Thushara Rodrigo, tigpamaba sa maong ministeryo, nakadawat sila og distress call niadtong gikan sa mga barkong Iranian nga moabot sa Galle Harbour tungod sa dinaliang panginahanglan og medikal nga tabang. Ang operasyon sa pagluwas giplano sa Iranian Embassy sa Colombo.
Gidala sa baybayon ang mga marinero ug gihatagan og medikal nga pagtambal sa Colombo sa wala pa sila gipabalik sa Iran sakay sa eroplano.
Matod ni Rodrigo, daghang ahensiya, lakip ang lokal nga mga kompanya sa pagpadala og kargamento, ang miapil sa operasyon. Ang mga barkong Iranian giingong na-stranded sa dagat tungod sa naval blockade sa Estados Unidos.
Bisan pa niini, gihingusgan sa Sri Lanka nga nagpabilin silang neyutral sa panagbangi ug obligado ubos sa internasyonal nga balaod ug makatawhanong mga prinsipyo nga mohatag og tabang sa mga marinero nga nag-atubang og emerhensiyang medikal.
Photo Courtesy: msn.com
