Gidakop sa kapulisan ang usa ka 30 anyos nga construction worker atol sa buy-bust operation sa Purok Acacia, Barangay Cogon, Digos City, alas 12:08 sa kaadlawon, Oktubre 28,2026.
Giila ang suspetsado nga si alyas “NER,” residente sa Barangay Aplaya ug giilang Street Level Individual. Gilusad ang operasyon sa City Drug Enforcement Unit sa Digos City Police Station, kauban ang PDEA Davao del Sur ug ubang yunit sa kapulisan.
Nakumpiska ang unom ka pakete sa gidudahang shabu nga adunay gibug-aton nga 4.85 gramos ug nagkantidad og 32 mil 980 pesos. Narekober usab ang buy-bust money, pitaka ug cellphone.
Ang suspetsado anaa na sa selda sa Digos City Police Station ug mag-atubang og kasong paglapas sa Republic Act 9165 o Comprehensive Dangerous Drugs Act of 2002.
