Gidakop sa hiniusang operasyon sa Philippine Drug Enforcement Agency o PDEA ug kapulisan ang upat ka persona atol sa buy-bust operation sa Chapter 4, Barangay Aplaya, Digos City, alas 4:45 sa hapon, Oktubre 27,2026.
Lakip sa nadakpan ang giilang drug den maintainer nga si alyas “GAW,” 29 anyos, ug iyang igsoon nga si alyas “ALONG,” 18 anyos, nga giilang drug den employee.
Arestado usab ang duha ka bisita nga sila alyas “NIN,” 32 anyos, ug alyas “DAGUL,” 25 anyos. Nakumpiska sa operasyon ang 22.2 gramos nga gidudahang shabu nga nagkantidad og 150 mil 960 pesos.
Ang upat ka suspetsado anaa na sa kustodiya sa PDEA Regional Office XI sa Davao City ug mag-atubang og kasong paglapas sa Republic Act 9165 o Comprehensive Dangerous Drugs Act of 2002.
