Boluntaryong gisurender sa usa ka indibidwal ang usa ka .38 revolver nga walay serial number ug bala ngadto sa Dapitan City Police Station atol sa gipahigayong barangay visitation sa Barangay Barcelona, Dapitan City, niadtong nakalabay nga adlaw.
Gipahigayon sa mga personahe sa Dapitan CPS ang maong pagbisita isip kabahin sa ilang gipakusgang kampanya batok sa mga loose firearms o armas nga walay tukmang dokumento ug lisensiya.
Human sa boluntaryong pagtugyan, gidala ang armas ngadto sa Dapitan CPS alang sa tukmang dokumentasyon. Giawhag usab sa Dapitan CPS ang mga residente nga boluntaryong motugyan sa ilang mga armas nga walay lisensiya ngadto sa mga awtoridad aron malikayan ang posibleng paggamit niini sa mga krimen.
