Temporaryong gipahunong sa Bureau of Internal Revenue o BIR ang obligadong pagpakita sa Registration Seal Badge sa mga online seller ug content creator. Matud ni BIR Commissioner Charlito Martin Mendoza, dili na usa ipatuman ang Oktubre 31, 2026 nga deadline human sa mga reklamo bahin sa seguridad sa personal nga impormasyon ug teknikal nga problema sa maong sistema.
Gikabalak-an nga posibleng mabutyag ang personal nga impormasyon pinaagi sa QR code sa maong badge, nga mahimong magamit sa pagpangilad. Samtang, giklaro sa BIR nga walay silot nga ipahamtang sa mga dili magpakita sa badge samtang wala pa kini gipatuman pag-usab. Repasohon usab sa BIR ang maong patakaran sa pakigtambayayong sa National Privacy Commission.
Photo courtesy: Bureau of Internal Revenue fb page
