Gipaniguro sa Department of Trade and Industry (DTI) nga walay pagsaka sa presyo sa mga nag-unang panginahanglanon ug nag-unang palaliton hangtod Disyembre 31 ning tuiga. Matud ni DTI Secretary Cristina Roque, kini ang saad sa grupo sa mga manufacturer bisan pa sa taas nga presyo sa gasolina ug mga hilaw nga materyales.
Lakip sa mga produkto nga magpabiling stable ang presyo mao ang sardinas, gatas, kape, noodles, asin, sabon, laundry soap ug pipila ka sangkap sa pagkaon. Gipasalig usab ni Roque nga igo ang suplay sa mga produkto, hinungdan wala nay angay kabalak-an ang publiko ug dili kinahanglan nga mag-hoard o magtipig og daghang palaliton.
Photo courtesy: DTI
