Naobserbahan ang anom ka dugong ukon sea cow kag lima ka pawikan nga nagapangita sang pagkaon sa baybayon sang Kalamansig, Sultan Kudarat, suno sa Department of Environment and Natural Resources ukon DENR.
Suno sa Community Environment and Natural Resources Office ukon CENRO Kalamansig, narekord ang mga sapat-dagat pinaagi sa drone monitoring sa baybayon sang Poral, nga nagalakip sa Barangay Santa Maria kag Barangay Cadiz, sang Oktubre 21, 2026.
Nagsaka sa anum ang naobserbahan nga dugong halin sa isa lamang sang nagligad nga semestre, nga nagapakita sang importansya sang katubigan sang Kalamansig sa biodiversity kag proteksyon sang mga sapat-dagat.
Ginapanugyan sang DENR sa publiko nga indi halitan, dakpon ukon ibaligya ang mga dugong kag pawikan bangud protektado ini sa idalom sang Republic Act 9147.
Ginapangabay man ang publiko nga ireport gilayon sa mga otoridad ang makita nga mga sapat-dagat, ilabi na kon may pilason ukon nagdulog sa baybayon.
