Nadakpan sang kapulisan ang 19-anyos nga lalaki nga suspek sa kamatayon sang 17-anyos nga estudyante nga ginapatihan nga napatay bangud sa pagkuga sa Isulan, Sultan Kudarat sang Oktubre 24, 2026.
Suno sa Police Regional Office 12, ang biktima kag ang suspek nga kilala sa alyas nga “Jay” nagaestar sa Garcia Boarding House sa Cuello Street, Barangay Kalawag 2.
Gindala ang pa biktima sa Sultan Kudarat Provincial Hospital, apang gindeklarar nga dead on arrival sang attending physician. Suno sa inisyal nga imbestigasyon, gin-alegar nga gin-ako sang suspek ang responsibilidad sa kamatayon sang biktima sa isa ka tawag sa cellphone, antes siya nagpalagyo.
Pinaagi sa hot-pursuit operation, nadakpan ang suspek sang alas 8:30 sang aga, Oktubre 25. Yara na sa kustodiya sang kapulisan ang suspek samtang ginapreparar ang nagakaigo nga kaso batok sa iya.
Photo courtesy: PNP Police Regional Office 12
