Nakapagkit ang Gobyerno-lokal sang Tacurong City sang 40 ka indibidwal nga naglapas sa Anti-Smoking Ordinance sang Tacurong City sa duha ka adlaw nga operasyon sang Oktubre 22 kag 23, 2026. Suno sa City Health Office, 15 ka violators ang narekord sang Oktubre 22, samtang 25 naman ang nadugangan sang Oktubre 23.
Naghiusa sa operasyon ang mga personnel sang City Health Office, City Traffic Enforcers, City Information Office, City Treasury Office, Tacurong City Police Station, kag Joint Task Force Talakudong.
Ginpatigayon ang operasyon suno sa City Ordinance No. 5, Series of 2013, nga may tinutuyo sa pagkontrol sang pagpanigarilyo sa mga pampubliko nga lugar kag pagpalambo sang mahimsog kag smoke-free nga palibot sa syudad.
Photo courtesy: City Government of Tacurong
