Makulay nga mga pasundayag, nagkalain-lain nga kompetisyon, kag makalilipay nga kalingawan ang magatampok sa katapusan nga adlaw sang Kalimudan Festival 2026 sa Nobyembre 22, 2026, Domingo, sa Probinsya sang Sultan Kudarat.
Lakip sa mga highlight sang selebrasyon ang Battle of SOX Festivals Street Dancing Competition, closing ceremonies, Local Band Night, kag pagpa-raffle sang dugang nga mga premyo.
Ginalauman man nga mangin isa sa mga nagapangibabaw nga pasundayag ang Kalimudan National Pyromusical Competition, nga magatampok sang mga entry halin sa Luzon kag Mindanao.
Pinaagi sa nasambit nga mga aktibidad, ginahatagan sang kahigayunan ang mga partisipante nga ipakita ang ila talento kag pagkamamugnaon, samtang ginapasanyog ang kultura kag tradisyon sang rehiyon.
Ang selebrasyon nagapadayon sa paghatag sang mas madamo nga eksperyensya kag kalingawan sa mga residente kag bisita sang Sultan Kudarat.
Photo courtesy: Gov. Pax Ali S. Mangudadatu
