Gipaniguro sa Land Transportation Franchising and Regulatory Board (LTFRB) ang luwas ug hapsay nga biyahe sa mga pasahero karong Undas 2026. Sugdan sa LTFRB sa Oktubre 29 hangtod Nobyembre 3 ang pagpalig-on sa Oplan Biyaheng Ayos aron masiguro ang hapsay nga operasyon sa mga terminal sa bus sa nagkadaiyang lugar sa nasud.
Matud ni Acting LTFRB Chair Greg Pua Jr., lakip sa ilang mga lakang ang pagtukod og help desk, pag-inspeksyon sa mga terminal ug roving operations aron dali nga matubag ang panginahanglan sa mga biyahero. Tumong niini nga masiguro ang luwas ug komportableng pagbiyahe sa publiko atol sa paghandom sa adlaw sa mga minatay.
Photo courtesy: LTFRB
