Nadiskobrehan sa House Committee on Dangerous Drugs ang upat pa ka langyaw nga drug syndicate nga nalambigit sa ilegal nga patigayon sa Pilipinas!
Sumala sa impormasyon nga gihuptan ni Las Piñas Representative Mark Anthony Santos, lakip sa mga nakasulod sa nasud mao ang Mexican Sinaloa Cartel, West African networks, ug pipila ka Chinese triad groups sama sa 14K ug Bamboo Union.
Gihimo ang maong pagbutyag taliwala sa imbestigasyon sa nakatagong pagsulay sa pagpasulod og tatlo ka bilyon ug kwatro sentiyentos milyones pesos nga balor sa shabu gikan sa Laos gamit ang usa ka pribadong jet. Padayon karon ang imbestigasyon sa Kongreso aron matino kung unsa nga mga balaod ang kinahanglang usbon batok sa transnational drug trafficking.
Photo courtesy: House of Representatives
