Gipasalig sa Police Regional Office 10 nga walay toleransya sa mga miyembro sa Philippine National Police nga malambigit sa ilegal nga mga kalihokan ug paglapas sa balaod.
Gitin-aw ni Police Major Joan Navarro, tigpamaba sa PRO-10, nga magpadayon ang paghinlo sa ilang hanay aron matangtang sa serbisyo ang mga personahe nga mapamatud-ang nalambigit sa sayop nga mga binuhatan.
Gisugid usab ni Navarro nga lakip sa mga lakang sa ahensya ang random drug testing ug pagpasaka og administratibong kaso, lakip ang pagpalagpot sa serbisyo sa mga pulis nga magpositibo, subay sa hustong proseso ug mga lagda nga gipatuman.
Photo courtesy: PNP Police Regional Office 10
