Naangol ang tulo ka mga lalaki human misangpot sa pagpamusil ang usa ka pagpanunggab sa Purok 6B, Manubiray, Barangay Lampanusan, Kalilangan, Bukidnon niadtong nakalabay nga adlaw.
Sumala sa report sa Kalilangan MPS ni PMAJ Teresita L. Manejero, gidunggab sa usa ka 47-anyos nga lalaki kinsa gituohang hubog ang usa ka 63-anyos nga naglakaw lamang sa dalan pauli unta sa ilang panimalay. Aron mapanalipdan ang kaugalingon, gihulbot sa lalaki ang iyang 9mm nga armas ug gipusil ang nagdunggab kaniya apil sab ang usa ka 45-anyos nga misulay sa pag-ulang sa gubot.
Nakuha sa krimen ang usa ka kutsilyo, basiyo ug bala sa 9mm, ug holster. Nadakpan ra sab ang 63-anyos nga suspek giilang si Alyas “Jimmy” sa gipahigayong hot pursuit operation, samtang nagpadayon ang imbestigasyon sa kapolisan sa tinubdan sa panghitabo.
Photo courtesy:Kalilangan Municipal Police Station
