Nakabaligya ang usa ka Italyanong artist nga si Salvatore Garau sa usa ka eskultura nga gihangalang “Io Sono” (Ako Mao) sa presyong $18,300 o Php 1,160,640.90 sa usa ka auction didto sa Milan, Italy.
Ang maong eskultura hingpit nga dili makita ug walay porma sa pikas nga bahin tungod kay wala kini nag-eksistir sa pisikal nga paagi. Ang nakapalit nakadawat lamang og certificate of authenticity ug mga panudlo kon unsaon kini i-display: sulod sa usa ka pribadong balay sa gibag-on nga 5×5 ka tiil nga espasyo ug walay unsa mang makabalag niini.
Gihubit ni Garau ang iyang ginama isip usa ka vacuum nga puno sa enerhiya ug nag-ingon nga ang maong buhat magpadayon sa pag-exist samtang kini gihunahuna sa nagpalit. Bisan og kasagaran sa mga personalidad sa art world mikatawa lamang ug nagtawag niini nga pinakamahal nga “wala” nga nabaligya sa kasaysayan, gilantaw gihapon kini sa pipila ka kritiko isip usa ka lehitimong conceptual piece nga nagsunod sa tradisyon sa sikat nga artist nga si Yves Klein
Si Yves Klein (Abril 28, 1928 – Hunyo 6, 1962) usa ka tanyag nga artist didto sa France nga giila isip usa sa labing importante ug radikal nga pigura sa sining human sa Ikaduhang Gubat sa Kalibotan.
Photo courtesy:instagram italy.eu
