Nisang-at og reklamong libel ug cyber libel sa Office of the City Prosecutor sa Hall of Justice sa Ecoland, Davao City karong buntaga, Oktubre 23, 2026, si Davao City 1st District Representative Paolo “Pulong” Duterte.
Gipahamtang ang maong mga kaso batok kang National Bureau of Investigation (NBI) Director Melvin Matibag, sa kanhing pulis nga si Rodulfo Gracioso Jr., ug sa mga opisyal ug personalidad sa GMA Network nga silang Chairman Felipe L. Gozon, President ug CEO Gilberto Duavit Jr., news anchors Mel Tiangco ug Vicki Morales, ug reporter Emil Sumangil.
Nagsumikad ang legal nga aksyon sa kongresista gikan sa report bahin sa alegasyon ni Gracioso nga naghatod matud pa kini og $100 ka milyon ka pesos nga cash nga gisulod sa mga maleta ngadto kaniya subay sa gimando ni former House Speaker Lord Allan Velasco. Hugot nga gihimakak ug gitawag ni Duterte nga pulos bakak ug walay basihan ang maong mga pamasangil nga nagtumong lamang sa pagdaot sa iyang reputasyon ug sa pamilyang Duterte.
Photo courtesy: Pulong Duterte
