Naghiusa sa dakong tigom sa gipahigayon nga Regional Indigenous Peoples Summit 2026 ang mga lider ug representante sa delegasyon gikan sa mga tribu sa probinsya sa Lanao del Norte, Misamis Oriental, Misamis Occidental, ug Camiguin sa Kaamulan Open Theater, Kaamulan Park, Malaybalay City niaging Oktubre 21.
Gipaluyohan ang maong summit sa hiniusang paningkamot sa mga ahensiya sa gobyerno ug sa probinsyal nga panggamhanan aron masiguro nga mahatagan og igong pagtagad ang mga lumad sa tibuok Northern Mindanao
Gipadayag ni Engr. Chona B. Labaon, Acting Regional Director sa NCIP Region X, ang iyang dako nga pasalamat sa suporta sa kagamhanang probinsyal sa pag-abag sa mga panginahanglanon para sa mga nanambong kung asa gipakita ang lain-laing kultura sa rehiyon. Ang kalihokan naghatag sab og mahinungdanong sabakan alang sa dayalogo, pagbahin sa kaalam, ug mas lig-on nga kooperasyon tali sa gobyerno ug sa mga lider sa Indigenous Peoples (IP)
Sa iyang pakigpulong, gipasiugda ni Governor Rogelio Roque ang importansya sa pagsinabtanay, pagpasaylo, ug kaandam nga magkahiusa taliwala sa mga hagit karon ug sa umaabot
