Misaka sa 9.9 percent ang inflation rate sa Sarangani Province niadtong September 2026 gikan sa 9.7 percent sa miaging Agosto, base sa datos sa Philippine Statistics Authority o PSA Region 12.
Tungod niini, mikabat sa 8.3 percent ang average inflation sa probinsya gikan Enero hangtod Septyembre ning tuiga, layo sa 1.4 percent nga deflation nga natala sa samang bulan niadtong 2025.
Sumala sa PSA, nag-unang hinungdan sa pagsaka sa inflation ang mas paspas nga pagsaka sa presyo sa housing, tubig, kuryente, gas ug ubang sugnod nga miabot sa 9.3 percent gikan sa 6.3 percent.
Misaka usab ang inflation sa personal care ug miscellaneous goods and services, ingon man sa health sector.
Bisan pa niini, miubos ang food inflation sa 11.2 percent gikan sa 11.9 percent niadtong Agosto, tungod sa hinay-hinay nga pagsaka sa presyo sa bugas, mais ug mga utanon.
Apan nagpabiling dakong kabalaka ang presyo sa bugas nga misaka gihapon sa 32.2 percent kumpara sa samang panahon sa miaging tuig.
Gipadayag usab sa PSA nga ang Consumer Price Index sa Sarangani miabot sa 142.6 niadtong Septyembre, mas taas sa 137.7 nga national average. Nagpasabot kini nga ang mga palaliton ug serbisyo nga nagkantidad og 100 pesos niadtong 2018, mokantidad na og gibana-banang 142 pesos ug 60 sentimos sa probinsya.
Samtang nagpabilin sa 70 sentimos ang purchasing power sa piso, nga nagpasabot nga mikunhod ang kantidad sa mapalit sa kuwarta tungod sa pagsaka sa presyo sa mga palaliton ug serbisyo.
Photo courtesy: PSA
