Arestado ang usa ka lalaki nga adunay kasong pagpangabuso atol sa gipatuman nga warrant of arrest sa kapulisan sa pagpanguna sa 2nd Provincial Mobile Force Company (2nd PMFC) ug Lala Municipal Police Station sa may alas 1:30 sa hapon niadtong Oktubre 26, 2026 sa Purok 3, Lala, Lanao del Norte.
Giila ang suspek nga si alyas “Rey,” 37 anyos, minyo ug residente sa maong barangay ug nalista isip Top1 Most Wanted Person Municipal Level.
Subay sa report sa kapulisan, ang suspek nalutsan sa warrant of arrest tungod sa kasong pagpangabuso o Republic Act 9262 o Anti-Violence Against Women and Their Children Act of 2004 nga giisyu niadtong Oktubre 6, 2026 ni Hon. Jihan Gift C. Gonzaga-Morong, presiding judge sa Regional Trial Court Branch 21 sa Kapatagan, Lanao del Norte ug adunay pyansa nga gitakda sa korte nga nikabat sa 72,000 pesos.
Sa pagkakaron, anaa na sa kustodiya sa Lala MPS ang nadakpan alang sa hustong pagdokumento ug dugang nga proseso.
Photo Courtesy: PNP Lanao del Norte
