Nadakpan sa kapulisan ang usa ka 32-anyos nga babaye, minyo ug housewife, nga residente sa lungsod sa Siay, Zamboanga Sibugay, pinaagi sa manhunt operation alas dos sa hapon niaging adlaw.
Gipahigayon ang operasyon sa mga personahe sa Siay Municipal Police Station o MPS, kauban ang Human Rights Police Non-Commissioned Officer ug mga personahe sa Charlie Company sa 106th Infantry Battalion sa Philippine Army. Ang pagdakop gipatuman pinasikad sa warrant of arrest alang sa kasong frustrated homicide nga gipagawas niadtong Oktubre 22, 2026, diin gitakda ang girekomendar nga piyansa sa kantidad nga Php 76,000.00
Atol sa operasyon, gigamit sa mga operatiba ang duha ka alternative recording device alang sa dokumentasyon. Gipahibalo usab ang dinakpan sa hinungdan sa iyang pagdakop ug sa iyang mga katungod ubos sa Konstitusyon, gamit ang pinulongan nga iyang nasabtan.
Ang babaye anaa na karon sa kustodiya sa Siay MPS alang sa hustong pagproseso sa iyang kaso, sa dili pa ibalik sa korte nga mipagawas sa warrant of arrest ang maong dokumento.
