Nagpakita og pagkamatinud-anon ug malasakit sa isigkatawo ang usa ka rider human niya napunitan ang cellphone nga aksidenteng nahulog sa lugar sa Buayan, M’lang, Cotabato.
Bisan og gabii na niya napunitan ang cellphone, naningkamot ang rider nga matawagan ang tag-iya niini nga residente usab sa Barangay Katipunan, M’lang, aron mapahibalo bahin sa nawalang gamit.
Aron masiguro nga mauli ang cellphone sa tag-iya ug mapadali ang pagkuha niini, boluntaryong giturn over sa rider ang maong gamit ngadto sa Stellore Outpost sa Matalam Municipal Police Station, diin kini personal nga nakuha sa tag-iya.
Giawhag usab sa Matalam MPS ang publiko nga sundon ang pagkamatinud-anon ug ibalik sa tinuod nga tag-iya ang bisan unsang butang nga mapunit. Ang maong lihok nagsilbing maayong ehemplo sa pagkamatinud-anon, pagpakabana ug maayong pamatasan nga angay sundon sa tanan.
Photo courtesy: Matalam Mps
