Dili moubos sa 22 ka tawo ang nangamatay samtang 24 ang nasamdan human nagbangga ang usa ka bus ug cargo truck niaging Domingo, Oktubre 25, 2026 sa usa ka highway sa Makueni, Kenya.
Sumala sa imbestigasyon sa lokal nga pulisya, gikan sa usa ka lubong ang mga pasahero nga sakay sa maong bus sa dihang nahitabo ang trahedya, kung asa gituohan ni Makueni County Commissioner Abdullahi Khalif nga posibleng mosaka pa ang gidaghanon sa mga namatay samtang pabiling ana-a sa ospital ang mga naangol.
Wala pa matino ang tinuod nga hinungdan sa maong aksidente, apan gitudlo sa mga awtoridad ang kusog nga pagpadagan ug ang bati nga kondisyon sa kalsada nga posibleng nakadulot niini.
Nagdugtong ang maong highway nga sa dakbayan sa Mombasa ug sa ulohang siyudad sa Nairobi giila nga usa ka “accident black spot” tungod sa kanunay nga paghitabo sa mga pagbangga sa kalsada, diin tulo lang ka semana ang milabay, duna usab nahitabong aksidente sa maong dapit nga nikalas og 17 ka kinabuhi.
Photo courtesy: DW
