VOpisyal nang gilusad ang Project A.L.A.G.A.D. sa Cateel Municipal Police Station sa Davao Oriental niadtong milabay nga adlaw, isip kabahin sa paningkamot nga mapalig-on ang panag-uban tali sa kapulisan ug sa komunidad.
Ang maong kalihokan adunay temang “United We Protect, Committed We Serve,” nga naghiusa sa mga personahe sa Philippine National Police, mga opisyal sa barangay, mga organisasyon sa katilingban, mga ahensya sa gobyerno, ug mga representante sa sektor sa edukasyon, relihiyon ug kabatan-onan.
Gipasiugda sa programa ang kamahinungdanon sa panaghiusa ug kolaborasyon sa pagpanalipod sa mga miyembro sa komunidad, ilabi na sa mga nanginahanglan og dugang nga pag-atiman ug proteksyon.
Gihatagan usab og gibug-aton ang pagpasiugda sa gender-responsive nga proteksyon ug pagpalapad sa kahibalo sa publiko bahin sa mga balaod.
Photo courtesy: Cateel MPS
