Gipahimangnoan sa Cateel Municipal Police Station ang publiko nga magmatngon batok sa mga panglimbong pinaagi sa online booking, peke nga mga tanyag sa pagbiyahe, ug uban pang hulga sa digital platforms atol sa umaabot nga selebrasyon sa Undas.
Tumong sa maong pahimangno nga mapalapdan ang kahibalo sa katawhan bahin sa mga pamaagi sa mga scammers ug malikayan ang pagkahimong biktima sa ilang mga ilegal nga kalihokan.
Gidasig usab sa kapulisan ang publiko nga susihon pag-ayo ang mga tinubdan sa mga online booking ug travel offers sa dili pa mobayad o mohatag og personal nga impormasyon ingon man likayan ang pag-klik sa mga kadudahang link.
Samtang, gidasig ang publiko sa pagreport dayon sa mga kadudahang transaksiyon, online scams ug uban pang matang sa digital threats ngadto sa mga otoridad aron matubag kini sa hustong paagi.
Photo courtesy: Cateel MPS
