Wala na kaikyas pa sa mga otoridad ang usa ka lalaki human nadakpan atol sa gilusad nga buy bust operation didto sa Purok Mariposa, Barangay San Alfonso, Cateel, Davao Oriental pasado alas 4:55 sa milabay nga buntag.
Giila ang dinakpan nga si alyas “Mawi”, 44 anyos, adunay kapuyo, usa ka mag-uuma ug lumolopyo sa maong lugar. Nakuha gikan sa iyang posisyon ang upat ka pakete sa gituohang shabu nga gibana banaang mutimbang sa 0.2 gramo ug adunay standard drug price nga Php 1,360.00 ug usa ka PHP 500 nga buy bust money.
Ang operasyon gihimo sa mga personahe sa Cateel Municipal Police Station, kauban ang mga sakop sa PDEU/SOT DOPPO, 1103RD RMFB ug sa koordinasyon sa PDEA Region XI.
Giimbentaryo ug gimarkahan usab sa lugar sa nahitaboan ang mga nasakmit nga ebidensya uban sa mga testigo ug sa suspek mismo. Sa karun ang dinakpan anaa na sa kustodiya sa kapulisan alang sa tukmang lakang ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Phoyo courtesy: Cateel MPS
