Nadakpan ang usa ka 57-anyos nga babaye atol sa buy-bust operation sa kapulisan sa Barangay Santiago, Pagadian City, mga alas-2:45 sa hapon, niadstong nakalabay nga adlaw.
Gipahigayon ang hiniusang operasyon sa mga personahe sa Zamboanga del Sur Provincial Drug Enforcement Unit (ZSPDEU) ug Zamboanga del Sur Provincial Intelligence Unit (ZSPIU), sa koordinasyon sa Philippine Drug Enforcement Agency (PDEA)-9. Walo ka sachet sa gituohang shabu ang nasakmit gikan sa suspetsado, lakip ang buy-bust money, cellphone, plastic container ug sling bag.
Gisiguro sa mga otoridad nga isumiter ang nakumpiskang gidudahang ilegal nga droga sa Provincial Forensic Unit sa Camp Abelon, Pagadian City, alang sa forensic examination. Sa pagkakaron, anaa na sa kustodiya sa Pagadian City Police Station ang nadakpang suspetsado alang sa tukma ug legal nga aksyon.
Photo courtesy: ZSPPO-PIO
